Իրանում 3 անձի մահապատժի են ենթարկել

Sun, 08 Nov 2026 15:00:26 +0400

Իրանում մահապատժի են ենթարկել երեք տղամարդու, որոնք դատապարտվել էին հունվարին տեղի ունեցած անկարգությունների ժամանակ հասարակական շենքերի վրա հարձակումներին մասնակցելու և Իսրայելի ու ԱՄՆ-ի հետ համագործակցելու համար, հայտնում է իրանական Fars գործակալությունը։

Մահապատժի ենթարկվածներն են Հասան Դիոբանդը, Համիդ Քազեմին և Ռեզա Զանգանեն։

Դատական մարմինների տվյալներով, նրանց մեղադրանքներ էին առաջադրվել հրազեն, նռնակներ և հրկիզող խառնուրդով շշեր օգտագործելու, հասարակական օբյեկտներ հրկիզելու և Քարաջ քաղաքում էլեկտրական ենթակայանը վնասելու համար։