Մերցը պատրաստ է զրուցել Պուտինի հետ

Mon, 09 Nov 2026 16:30:32 +0400

Գերմանիայի կանցլեր Ֆրիդրիխ Մերցը հայտարարել է, որ պատրաստ է խոսել Ռուսաստանի նախագահ Վլադիմիր Պուտինի հետ, եթե նա մասնակցի Մայամիում կայանալիք G20 գագաթնաժողովին։

Հագենում քաղաքացիների հետ հանրային երկխոսության ժամանակ լրագրողը Մերցին հարցրել է, թե արդյո՞ք նա կարող է հանդիպել Պուտինի հետ դեկտեմբերին, հայտնում է Westfalenpost-ը։

Ի պատասխան՝ կանցլերն ասել է, որ չի խուսափի նման հնարավորությունից, եթե Պուտինը մասնակցի G20-ին։

«Հյուրընկալող կողմը միշտ իրավունք ունի հրավիրել լպետությունների և կառավարությունների լրացուցիչ ղեկավարների։ Եվ, որքանով մենք գիտենք այս պահին, Թրամփը հրավիրել է Պուտինին… Եթե նա այնտեղ լինի, ես երբեք չեմ խուսափի նրա հետ խոսելու հնարավորությունից», – ասել է կանցլերը։

Նա հավելել է, որ ներկայումս հայտնի չէ, թե արդյոք Պուտինը կմասնակցի G20-ին։ Նրա խոսքով՝ Կրեմլի առաջնորդը դեռ համաձայնություն չի տվել։