Ուր են այդ գումարները. ժողովուրդը պիտի իմանա
Wed, 18 Nov 2026 13:10:07 +0400

ԱԺ-ում պետական բյուջեի քննարկման ժամանակ ընդդիմադիր պատգամավոր Էդգար Ղազարյանը ֆինանսների նախարար Վահե Հովհաննիսյանին հարց ուղղեց՝ կապված Արցախի կառավարությանն ուղղված ֆինանսական հատկացումների և դրանց արդյունքում ստեղծված գույքի հետ։
Ղազարյանի խոսքով՝ Հայաստանի կառավարությունը տարիներ շարունակ պետական բյուջեից միլիարդավոր դրամներ է հատկացրել Արցախի կառավարությանը, այդ թվում՝ 2023 թվականին, երբ, ըստ պատգամավորի, 2022-ին Արցախը ճանաչել էր Ադրբեջանի կազմում։ Նրա խոսքով՝ այդ միջոցներով Արցախում կառուցվել են դպրոցներ, մանկապարտեզներ և ճանապարհներ։
Պատգամավորը նախարարից պահանջեց ներկայացնել, թե որքան գումար է Հայաստանի կառավարությունը փոխանցել Արցախին, ինչ ծավալի նյութական կորուստներ են արձանագրվել, և արդյոք իշխանությունները գնահատել են այդ կորուստների ընդհանուր չափը։
Վահե Հովհաննիսյանը հայտարարեց, որ չի պատրաստվում պատասխանել պատգամավորի հարցին՝ այն անիմաստ համարելով։
«Ինչքա՞ն փող է տրվել Արցախին ու նյութական կորուստն ինչքա՞ն է, որ մեր ժողովուրդն իմանա՝ ի՞նչ չափի թալան եք իրականացրել ձեր պաշտոնավարման շրջանում։ Թալանի չափը գնահատե՞լ եք»,- ասել է նա:
Source: Hraparak
Լրահոս – Lrahos Լուրերի անսպառ աղբյուր