Ուրբաթ , 20 Նոյեմբերի 2026

Պուտինի հետ հանդիպմանը կարող է քննարկել «Հարավկովկասյան երկաթուղու» հարցը

Պուտինի հետ հանդիպմանը կարող է քննարկել «Հարավկովկասյան երկաթուղու» հարցը

Thu, 19 Nov 2026 13:20:09 +0400


ՀՀ վարչապետ Նիկոլ Փաշինյանը չի բացառել, որ դեկտեմբերի 3-ին Մոսկվայում Ռուսաստանի նախագահ Վլադիմիր Պուտինի հետ կայանալիք հանդիպման օրակարգում ընդգրկվի նաև «Հարավկովկասյան երկաթուղու» կոնցեսիոն պայմանագրի հարցը։ Այս մասին վարչապետը հայտնել է այսօր լրագրողների հետ ճեպազրույցում։

Փաշինյանի խոսքով՝ Հայաստանի երկաթուղային համակարգը արդիականացնելու համար անհրաժեշտ են զգալի ֆինանսական ներդրումներ, և այժմ հիմնական հարցն այն է, թե արդյոք «Ռուսական երկաթուղիները» պատրաստ են ապահովել այդ ներդրումների անհրաժեշտ ծավալը։

Նա նշել է, որ «Ռուսական երկաթուղիներ» ընկերության ղեկավարի՝ Հայաստան կատարած այցի ընթացքում հայկական կողմն արդեն բարձրացրել է կոնկրետ պատասխաններ ստանալու անհրաժեշտությունը։ Այդ նպատակով էլ ձևավորվել է աշխատանքային խումբ, որը պետք է հստակեցնի առկա հարցերը։

Վարչապետի խոսքով՝ եթե ռուսական կողմը պատրաստ է անհրաժեշտ ներդրումներ կատարել և Հայաստանի երկաթուղին հասցնել մրցունակության համապատասխան մակարդակի, ապա խնդիր չկա։ Հակառակ դեպքում Հայաստանը ստիպված կլինի այլ ներդրողների փնտրել։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Վերջապես առաջին անգամ կհանդիպեն

Վերջապես առաջին անգամ կհանդիպեն Wed, 18 Nov 2026 16:00:05 +0400 Նոյեմբերի 19-ին Չինաստանի Շենժեն քաղաքում՝ …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով