Ուրբաթ , 20 Նոյեմբերի 2026

Զապն ու Օշականցի Գեւորիկը 20-ական միլիոն են մուծվել

Զապն ու Օշականցի Գեւորիկը 20-ական միլիոն են մուծվել

Fri, 20 Nov 2026 13:45:44 +0400


Դատարանի որոշմամբ երեկ կալանքից ազատ արձակվեցին «օրենքով գող» Անդրանիկ Սողոյանը՝ հայտնի ԶԱՊ մականունով, և Գևորգ Մելիքյանը՝ «Օշականցի Գևորիկը»։ Նրանք դատարանի դահլիճից դուրս եկան՝ իրենց նկատմամբ կիրառված խափանման միջոցի փոփոխությունից հետո։ Երեկ հայտնի էր դարձել, որ դատարանը երկուսի նկատմամբ էլ տնային կալանք է սահմանել։
«Հրապարակ»-ի տեղեկություններով՝ բացի տնային կալանքից, դատարանը կիրառել է նաեւ բացակայելու արգելք եւ գրավ՝ յուրաքանչյուրի նկատմամբ 20 միլիոն դրամի չափով։

Նշենք, որ բացի 2 գողականներից, գործով անցնում է նաեւ Զապ-ի նախկին փեսան՝ Էդգար Մուրադյանը, որի կալանքը դատարանն օրեր առաջ փոխել էր վարչական հսկողության։

Հիշեցնենք, որ սեպտեմբերի 21-ին Էդգար Մուրադյանը գնացել է բժշկական կենտրոն՝ նախկին կնոջից (Զապի դուստրն է) ունեցած երեխային տեսակցելու։ Բժշկական անձնակազմը թույլ չի տվել, վիճաբանություն է սկսվել։
Նույն օրը, ըստ Քննչական կոմիտեի, միջադեպի մասին տեղեկացել է Մուրադյանի նախկին կնոջ հայրը՝ Անդրանիկ Սողոյանը՝ Զապը, որը դիմել է Գեւորգ Մելիքյանին՝ Օշականցի Գեւորիկին, խնդրելով «հարցը կարգավորել»։
Օշականցի Գեւորիկը մի խումբ անձանց հետ գնացել է բժշկական կենտրոն, որտեղ վիճաբանություն է տեղի ունեցել Էդգար Մուրադյանի եւ նրան ուղեկցողների հետ։ 3 անձ կալանավորվել էր, Զապին մեղադրանք էր առաջադրվել քրեական աստիճանակարգության բարձրագույն կարգավիճակի հետ կապված հոդվածով, Օշականցի Գեւորիկին՝ նույն հոդվածով եւ խմբով խուլիգանության համար, Էդգար Մուրադյանին՝ նույնպես խմբով խուլիգանության համար։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Ընտրություններից հետո քաղաքական ընդդիմախոսների նկատմամբ հետապնդումները նոր թափ են ստանում․ զեկույց

Ընտրություններից հետո քաղաքական ընդդիմախոսների նկատմամբ հետապնդումները նոր թափ են ստանում․ զեկույց Fri, 20 Nov 2026 …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով