Նիկոլ, ասե՞մ ինչ գրես Սահմանադրության մեջ

Նիկոլ, ասե՞մ ինչ գրես Սահմանադրության մեջ

Fri, 20 Nov 2026 21:15:20 +0400


Նիկոլ ջան, երկար եմ մտածել՝ ինչ առաջարկել քեզ, որ Սահմանադրության փոփոխության գաղափարն այնքան հրապուրիչ դարձնես, որ մարդիկ ոչ միայն ընդունեն այն, այլև սիրով գնան ընտրատեղամասեր եւ քվեարկեն քո եւ Ալիեւի համատեղ գաղափարի օգտին, իսկ մինչ այդ էլ ԱԺ գան՝ քո հրահանգով ընդդիմությանը ճնշելու։

Ինձնից լավ գիտես, որ քո թիմի ներկայացուցիչները, ինչպես նաև քեզ դեռևս սիրող մի քանի քաղաքացիներ, Սահմանադրության նշանակության մասին առանձնապես խորքային պատկերացում չունեն։ Նրանցից ոմանք, թերևս, մինչև հիմա էլ չեն կողմնորոշվել՝ Սահմանադրությունն ի՞նչ է՝ ուտելիքի մենյո՞ւ է, վայն-լի՞ստ է, մանկական երազանքների թվարկո՞ւմ է, թե՞ հեքիաթների ժողովածու։
Հետևաբար, առաջարկում եմ Սահմանադրության փոփոխությանն աջակցելու համար մի շատ գայթակղիչ դրույթ ներառել։ Գրիր, որ Սահմանադրությանը կողմ քվեարկած յուրաքանչյուր քաղաքացի կսնվի հատուկ ճաշացանկով։ Երկուշաբթի՝ քյաբաբ, երեքշաբթի՝ խաշլամա, չորեքշաբթի՝ իքիբիր, հինգշաբթի՝ տավարի պոչ, ուրբաթ՝ էշի պոչ, շաբաթ՝ ռակի պոչ, կիրակի՝ ոչինչ չեն ուտի, միայն Ջերմուկ կխմեն, որպեսզի ամբողջ շաբաթվա կերածը մարսեն։

Համոզված եմ՝ այս առաջարկով սահմանադրական փոփոխությունների քարոզարշավդ աննախադեպ հաջողություն կունենա։ Ավելին՝ մարդիկ հերթ կկանգնեն ոչ թե Սահմանադրությունը կարդալու, այլ քվեարկելու համար։

Միայն մի բան չմոռանաս, Նիկոլ ջան. եթե խոստացածդ քյաբաբը չտաս, կասես` իրավիճակ է փոխվել, Պուտինը խանգարեց, ռսաստրուկ ընդդիմությունն է մեղավոր…Դու ինձնից լավ գիտես, թե ինչ կասես։

© 2026 Հրապարակ

Source: Hraparak

Hraparak.am

Share
Published by
Hraparak.am

Recent Posts

Հիշողությունը բարելավող քթի կաթիլներ են ստեղծել

Հիշողությունը բարելավող քթի կաթիլներ են ստեղծել Fri, 20 Nov 2026 23:00:14 +0400 Ավստրալիայում Սիդնեյի համալսարանի…

4 րոպե ago

Երկրորդ տարբերակ ուղղակի չկա ….

Երկրորդ տարբերակ ուղղակի չկա .... Fri, 20 Nov 2026 22:54:27 +0400 Հարց Ո՞ր դեպքում մի…

10 րոպե ago

Ադրբեջանցիները փորձում են յուրացնել նաև Սպենդիարյանի «Ալմաստ» օպերան

Ադրբեջանցիները փորձում են յուրացնել նաև Սպենդիարյանի «Ալմաստ» օպերան Fri, 20 Nov 2026 22:43:24 +0400 Ադրբեջանական…

21 րոպե ago

Ռուս-Վրացական հանդիպում է տեղի ունեցել

Ռուս-Վրացական հանդիպում է տեղի ունեցել Fri, 20 Nov 2026 22:30:03 +0400 ՌԴ ԱԳ նախարարի տեղակալ…

34 րոպե ago

Արամ Ա Վեհափառը Լիբանանի նախագահի հետ քննարկել է տարածքային ամբողջականության պահպանման հարցերը

Արամ Ա Վեհափառը Լիբանանի նախագահի հետ քննարկել է տարածքային ամբողջականության պահպանման հարցերը Fri, 20 Nov…

38 րոպե ago

Աշխարհահռչակ դերասանը երրորդ թոռնիկն է ունեցել

Աշխարհահռչակ դերասանը երրորդ թոռնիկն է ունեցել Fri, 20 Nov 2026 22:22:31 +0400 Աշխարհահռչակ ամերիկացի դերասան…

42 րոպե ago