Գեներալին մահապատժի են ենթարկել Իրանում․ ԶԼՄ

Sat, 07 Mar 2026 17:00:00 +0400

Իսլամական հեղափոխության պահապանների կորպուսի (ԻՀՊԿ) էլիտար «Ղուդս» ուժերի նախկին հրամանատար Իսմայիլ Քաանին, հնարավոր է, մահապատժի է ենթարկվել Իսրայելի հետախուզական գործակալություն «Մոսսադի» հետ համագործակցելու կասկածանքով:

Այս մասին հայտնել է «National News»-ը՝ հղում անելով մի քանի աղբյուրներից ստացված չհաստատված հաղորդագրությունների:

Ըստ թերթի՝ ԱՄՆ-Իսրայելական հարվածների հետևանքով գերագույն առաջնորդ այաթոլլա Ալի Խամենեիի և Իրանի ուժային մի քանի բարձրաստիճան պաշտոնյաների մահից հետո, ողջ մնացած Քաանին կասկածվել է «Մոսսադի» համար աշխատելու մեջ:

Համացանցում հայտնվել են պնդումներ, որ ԻՀՊԿ-ն ձերբակալել և մահապատժի է ենթարկել գեներալին: Այլ հաղորդագրություններ ենթադրում են, որ նրան թույլատրվել է ինքն իրեն կրակել:

Քաանին «Ղուդս» ուժերի ղեկավարությունը ստանձնել է 2020 թվականին՝ Բաղդադում ԱՄՆ ուժերի կողմից նախկին հրամանատար Ղասեմ Սոլեյմանիի սպանությունից հետո: Նրա մահապատժի պաշտոնական հաստատում չկա:

Մարտի 1-ին հայտարարվեց, որ Իրանի գերագույն առաջնորդ Ալի Խամենեիի ընտանիքի չորս անդամներ զոհվել են Իսրայելի և ԱՄՆ-ի կողմից Իսլամական Հանրապետության վրա իրականացված ավիահարվածների հետևանքով: Մահացածների թվում էին Խամենեիի դուստրը, փեսան, թոռը և նրա հարսներից մեկը: