Գործ ունենք «դիվերսիայի» հետ. Ոստիկանները Պարույր Հայրիկյանի բնակարանում արձանագրություն են կազմում

Thu, 25 Jun 2026 22:55:16 +0400

Այսօր Դավթաշենի Ձոր 1 թաղամասում ժամեր շարունակ ջրանջատում էր։ «Վեոլիա ջուրը» բնակիչներին տեղեկացրել է, որ ջրանջատման հետ ընկերությունը որևէ առնչություն չունի, չունեն նաև գրանցված վթար։

Այս թաղամասում է բնակվում նաև Պարույր Հայրիկյանը, ով ֆեյսբուքյան իր էջում դեպքի առնչությամբ գրել է. «Ավելի քան 7 ժամ Դավթաշենի Ձոր 1 թաղամասում ջուր չկա։ «Վեոլիա ջուրը» տեղյակ չէ, սա չի՞ նշանակում, որ գործ ունենք «դիվերսիայի» հետ։ Բնակչության որևէ հատվածի ջրազրկումը «դիվերսիա» է։ ԱԱԾ-ն անհապաղ պետք է արձագանքի։ Ահազանգի հիման վրա այս պահին ոստիկանության աշխատակիցը արձանագրություն է կազմում։ Հարևաններս նույնպես բողոքում են անհայտությունից»։