Ուկրաինան ռուսների հետ երկարատև պատերազմի համար հատուկ ծրագիր ունի

Mon, 05 Oct 2026 14:00:14 +0400

Ուկրաինայի զինված ուժերի գլխավոր հրամանատար Միխայիլ Դրապատիի թիմը պատրաստել է Ռուսաստանի հետ երկարատև պատերազմի ծրագիր, որը մի քանի շաբաթ է, ինչ քննարկվում է Ուկրաինայի Ազգային անվտանգության և պաշտպանության խորհրում:

Այս մասին հաղորդում է «Ուկրաինսկայա պրավդա»-ն՝ հղում անելով երկու բարձրաստիճան աղբյուրների:

Հրապարակումը գրում է, որ փաստաթղթում ուրվագծվում են Ուկրաինայի զինված ուժերի նպատակներն ու գործողությունները «Ուկրաինայի պահպանման» համար: Այն նաև սահմանում է գործողությունների ժամանակացույցը:

Ռազմավարական հարցերից բացի, ծրագիրը նաև անդրադառնում է Կիևի պաշտպանության մոտեցմանը:

«Մեզ անհրաժեշտ է մեծ ռազմավարություն՝ 30 տարվա համար, որպեսզի մենք՝ որպես հրամանատարներ, հասկանանք մեր ուղղությունը», – հրատարակությանը ասել է կորպուսի ղեկավարներից մեկը: