Նոյեմբերյանում Տրոյական ձի են խաղի մեջ մտցնելու

Thu, 15 Oct 2026 21:15:28 +0400

Նոյեմբերի 29-ին նշանակված են Նոյեմբերյան համայնքի ավագանու համամասնական ընտրություններ։ Նոյեմբերյանի գործող համայնքապետ, «Ապրելու երկիր» կուսակցության անդամ Արսեն Աղաբաբյանը գլխավորելու է այդ կուսակցության ընտրական ցուցակը, նորից առաջադրվելու է համայնքապետի թեկնածու։ «Ապրելու երկիր» և «Քաղաքացիական պայմանագիր» կուսակցությունների միջև թեժ պայքար է սպասվում։

ՔՊ-ին մոտ աղբյուրից տեղեկացանք, որ իշխանությունը որոշել է Աղաբաբյանին ամեն գնով թույլ չտալ, որ համայնքապետ դառնա եւ դա ուզում է անել ընդդիմադիր ընտրազանգվածի քվեները բաժանելու-մասնատելու միջոցով: Այդ նպատակով Նոյեմբերյանի ավագանու ընտրություններին մասնակից է դարձնելու մի 3-րդ քաղաքական ուժի, որն իրականում կլինի իշխանության քաղաքական խաղի մասնակիցն ու գործիքը, բայց հանդես կգա որպես ընդդիմություն եւ ձայներ կփախցնի «Ապրելու երկրից»։