Քիմ Քարդաշյանն ու Փերիս Հիլթոնը կրկին վիճել են

Wed, 28 Oct 2026 22:37:02 +0400

Քիմ Քարդաշյանի և Փերիս Հիլթոնի բազմամյա բարեկամությունն ու անցյալի կոնֆլիկտները կրկին հայտնվել են ուշադրության կենտրոնում։ Page Six պարբերականի տվյալներով՝ լարվածությունն առաջացել է այն բանից հետո, երբ Հիլթոնը հրաժարվել է մեկնաբանություն տալ լրագրող Ջոնաթան Վան Մետերի՝ Քարդաշյանի կյանքին նվիրված «Citizen Kim» («Քաղաքացի Քիմ») գրքի համար։

Կոնֆլիկտը բռնկվել է կենսագրականի հեղինակ Ջոնաթան Վան Մետերի հայտարարությունների շուրջ։ Լրագրողը պատմել է, որ գրքի վրա աշխատանքների ուշ փուլում ինքը խնդրել է Քիմին հարցազրույց կազմակերպել Փերիսի հետ, ով 2000-ականների սկզբին եղել է նրա ղեկավարը։ Վան Մետերի խոսքով՝ Քարդաշյանը ճշտել է տեղեկությունը և հայտնել, որ Հիլթոնը համաձայնել է, սակայն շփումը պետք է տեղի ունենա նրա հանրային կապերի մասնագետի միջոցով։

Այնուհետև, հեղինակի պնդմամբ, հարցազրույցը չորս ամսվա ընթացքում չեղարկվել է 17 անգամ։ Ի վերջո, Վան Մետերը որոշել է, որ «բուն չեղարկումներն ավելի հետաքրքիր են, քան այն, ինչ նա կարող էր պատմել»։ Նա նաև հավելել է, որ երբ Քիմն իմացել է Փերիսի նման անհուսալիության մասին, «շատ է բարկացել», ինչը, իբր, «վերաբարձրացրել է նրանց միջև եղած հին թշնամանքը»։

Այնուամենայնիվ, Page Six-ի աղբյուրը, ով մոտ է կանգնած աստղերի շրջապատին, կատեգորիկ հերքել է այս վարկածը։ Ինսայդերը հայտարարել է, որ Քիմն ամենևին էլ բարկացած չէ Փերիսի վրա․ նրանք շարունակում են աջակցել միմյանց և նույնիսկ ներգրավված են առաջիկա նախագծերում, իսկ կենսագրականի հետ կապված պատմությունը չի ազդել նրանց ջերմ հարաբերությունների վրա։