Վլադիմիր Վարդանյանն ընտրվեց ՍԴ նախագահ

Fri, 06 Nov 2026 12:20:22 +0400

Վլադիմիր Վարդանյանն այսօր՝ նոյեմբերի 6-ին, ընտրվել է Սահմանադրական դատարանի նախագահ:

Սահմանադրական դատարանում այսօր կայացել է աշխատակարգային նիստ, որի օրակարգում դատարանի նախագահի ընտրության հարցն էր։ ՍԴ նախագահի պաշտոնում առաջադրված թեկնածուները կրկին Էդգար Շաթիրյանը և Վլադիմիր Վարդանյանն են եղել։ Սա ՍԴ նախագահի ընտրության արդեն երրորդ փորձն էր։

Մասնավորապես, հոկտեմբերի 14-ին ՍԴ-ում նախատեսված էր նախագահի ընտրությունը, սակայն ինչպես առաջին, այնպես էլ՝ երկրորդ փուլով ՍԴ նախագահ ընտրել չի հաջողվել։