Կիբերհարձակումները դարձել են բիզնեսի հիմնական սպառնալիքը
Wed, 18 Nov 2026 18:30:06 +0400

Համաձայն իրականացված ուսումնասիրությունների, կիբերհարձակումներն ու տվյալների արտահոսքի սպառնալիքները դարձել են համաշխարհային առումով բիզնեսի եւ գործարարության առաջընթացի համար հիմնական սպառնալիքը՝ առաջիկա երեք տարիների համար։ 1400 խոշոր ընկերությունների ղեկավարների 31 տոկոսը այս կարծիքն են հայտնել։ Հաջորդիվ արդեն գալիս են՝ տնտեսական անորոշությունը՝ 28 տոկոս, աշխարհաքաղաքական անկայունությունն ու կարգավորիչ մարմինների ճնշումները՝ 26-ական տոկոս։
Ընկերությունների ղեկավարների 45 տոկոսն արդեն սկսել են ավելացնել կիբերանվտանգության ոլորտում ներդրումները։ Հարցմանը մասնակցած ընկերությունների ղեկավարների 79 տոկոսը նշել է, որ հետաքրքրված են արհեստական բանականության ստեղծած հնարավորություններով։ Կարեւոր մարտահրավեր է բիզնեսի համար՝ համաշխարհային առումով վերցրած, նաեւ գրագետ եւ որակավորում ունեցող կարդերի պակասորդը։
Source: Hraparak
Լրահոս – Lrahos Լուրերի անսպառ աղբյուր