ՊՆ պաշտոնյան յուրացրել է 280 հազար դոլար
Fri, 20 Nov 2026 19:00:43 +0400

Ուկրաինայում այդ երկրի Անվտանգության ծառայությունը բացահայտել է, որ Պաշտպանության նախարարության պաշտոնյան յուրացրել է 280 հազար դոլարին համարժեք գումար՝ 12,6 միլիոն գրիվնի։ Այս մասին տեղեկանում ենք ուկրաինական մեդիայում հայտնված հրապարակումներից։ Համաձայն տեղեկատվության, 2022-26 թվականներին գործում ներգրավված անձը եւ նրա ընտանիքի անդամները գնել են առանձնատուն, հողամաս, ավտոմեքենա՝ թանկարժեք բրենդի, սակայն այդ բոլոր գնումները հարկային հայտարարգրի մեջ չեն ներառել։ Տվյալ պաշտոնյան ղեկավարել է մի բյուջետային կառույց, որը զբաղվել է շինարարությամբ, վերանորոգմամբ, ինժեներա-տեխնիկական աշխատանքներով, այս բոլոր ծառայությունները մատուցելով Ուկրաինայի Զինված ուժերի տարբեր ստորաբաժանումներին։
Source: Hraparak
Լրահոս – Lrahos Լուրերի անսպառ աղբյուր