Ավստրալիան նավեր չի ուղարկի Հորմուզի նեղուց

Tue, 17 Mar 2026 20:30:38 +0400

Ավստրալիան հայտ չի ստացել՝ Հորմուզի նեղուցում պարեկություն իրականացնելու վերաբերյալ եւ իր ռազմական նավերը չի ուղարկելու՝ այդ ռեգիոնում անվտանգ նավագնացությունն ապահովելու համար։ Այս մասին հայտարարել է այդ երկրի Տրանսպորտի եւ ենթակառուցվածքների նախարար Քեթրին Քինգը։ Համաձայն ABC ռադիոկայանի հաղորդման, նախարար Քինգն ասել է, որ իր երկիրը ռազմական ինքնաթիռ կուղարկի Միացյալ Էմիրություններ՝ պաշտպանական հարցերում օգնություն ցուցաբերելու համար, սակայն այդ ռեգիոն իր ռամզածովային ուժերը չի ուղարկի։

Հիշեցնենք, որ ԱՄՆ նախագահ Դոնալդ Թրամփը օրեր առաջ հայտարարել էր, որ այն երկրները, որոնք կախված են Հորմուզի նեղուցով տեղափոխվող նավթով, պետք է մասնակցեն, որպեսզի նեղուցը վերաբացվի եւ ապահովվի անվտանգ նավագնացություն։