Կարապետյանի մշակած «Ուժեղ խաղաղություն» ծրագրով առաջարկվում են հետևյալ լուծումները

Կարապետյանի մշակած «Ուժեղ խաղաղություն» ծրագրով առաջարկվում են հետևյալ լուծումները

Wed, 18 Mar 2026 14:26:20 +0400


«Ուժեղ Հայաստան» կուսակցության վարչապետի թեկնածու Սամվել Կարապետյանի ներկայացրած «Ուժեղ խաղաղություն» անվտանգության ծրագրի շնորհանդեսի ժամանակ կուսակցության անվտանգային թիմի ղեկավար Արթուր Ավանեսյանը, ով ունի երկարամյա զինվորական ծառայություն է անցել, ընդգծել է, որ ուժեղ պետության հիմքը փորձառու և պատրաստված բանակն է։ Նրա խոսքով՝ սահմանին անցկացրած տարիները հնարավորություն են տվել լավ ճանաչել հակառակորդի հնարավորություններն ու մարտավարությունը, ինչի արդյունքում ձևավորվել է համոզմունք, որ անհրաժեշտ է ժամանակակից պահանջներին համապատասխանող բանակ։

Ավանեսյանը նշել է, որ ազգային անվտանգությունը նախևառաջ կապված է կամքի և ինքնավստահության հետ, այլ ոչ թե միայն զինվորական պարգևների։ Նրա գնահատմամբ՝ Հայաստանը գտնվում է բարդ ժամանակահատվածում, և երկիրը պետք է դիմակայի ինչպես արտաքին, այնպես էլ ներքին մարտահրավերներին։

Նա ընդգծել է, որ հիմնական սպառնալիքը թուլությունն ու անվստահությունն են սեփական ուժերի նկատմամբ։ Այդ համատեքստում ներկայացվել են ծրագրային առաջարկներ, որոնք ներառում են սահմանների պաշտպանական համակարգերի արդիականացում, արհեստական բանականության և սենսորային տեխնոլոգիաների կիրառմամբ խելացի վերահսկողության ներդրում, ինչպես նաև վաղ նախազգուշացման ռազմական հետախուզական համակարգի ստեղծում։

Ծրագրով նախատեսվում է նաև միասնական կառավարման մեխանիզմի ձևավորում զինված ուժերում, տեղական ռազմաարդյունաբերական համալիրի զարգացում՝ արտաքին կախվածությունը նվազեցնելու նպատակով, և պաշտպանական կարողությունների ընդլայնում։

Ավանեսյանը նշել է, որ առաջնահերթ խնդիրներից է երկրի օդային տարածքի պաշտպանությունը՝ հակաօդային պաշտպանության ժամանակակից միջոցների կիրառմամբ։ Նրա խոսքով՝ անվտանգ երկինքը կարևոր նախապայման է զինվորի և պետության պաշտպանության համար։

Նա նաև ընդգծել է զինվորական ծառայության հեղինակության բարձրացման, սպայական կրթական չափանիշների վերանայման և ռազմավարական մտածողության ու տեխնոլոգիական պատրաստվածության զարգացման անհրաժեշտությունը։ Նրա համոզմամբ՝ ուժեղ բանակը պետք է գործի դիվանագիտության հետ համադրությամբ, քանի որ անվտանգության ապահովումը պահանջում է երկու հենասյուն՝ զինված ուժեր և արտաքին քաղաքականություն։

Ելույթի ավարտին նա հայտարարեց, որ իր կյանքի մեծ մասը ծառայել է սահմանին և այսօր իր բոլոր որոշումները գնահատում է մեկ չափանիշով՝ արդյոք դրանք կուժեղացնեն Հայաստանը։

© 2026 Secure News Portal

Source: Hraparak

Hraparak.am

Recent Posts

Հանրայինին գրոհ է սպառնում․ Տաթեւը ձեռնամարտ է պարապում․․․

Հանրայինին գրոհ է սպառնում․ Տաթեւը ձեռնամարտ է պարապում․․․ Tue, 17 Nov 2026 13:45:48 +0400 Պարզվում…

40 րոպե ago

ԵՄ-ն քննարկում է պատերազմի մասնակից ռուսների մուտքի արգելքը Շենգենյան գոտի

ԵՄ-ն քննարկում է պատերազմի մասնակից ռուսների մուտքի արգելքը Շենգենյան գոտի Tue, 17 Nov 2026 13:30:16…

56 րոպե ago

Ավինյանը՝ Աննա Հակոբյանի հայտարարության մասին

Ավինյանը՝ Աննա Հակոբյանի հայտարարության մասին Tue, 17 Nov 2026 13:21:58 +0400 Երևանի քաղաքապետ Տիգրան Ավինյանի…

1 ժամ ago

Դիվանագիտական ճգնաժամը շարունակվում է

Դիվանագիտական ճգնաժամը շարունակվում է Tue, 17 Nov 2026 13:15:25 +0400 Օրեր առաջ Արաբական Միացյալ Էմիրություններում…

1 ժամ ago

Թևանյանի խուց են տեղափոխվել հոգեկան առողջության հետ կապված խնդիրներ ունեցող անձ

Թևանյանի խուց են տեղափոխվել հոգեկան առողջության հետ կապված խնդիրներ ունեցող անձ Tue, 17 Nov 2026…

1 ժամ ago

Երեք տարի անց արցախյան հակամարտությունը մնում է չլուծված

Երեք տարի անց արցախյան հակամարտությունը մնում է չլուծված Tue, 17 Nov 2026 13:13:24 +0400 Հայ…

1 ժամ ago