Ցավալի է․ ինչու՞ է Արաղչին քննադատել Մակրոնին

Thu, 19 Mar 2026 12:30:59 +0400

Իրանի արտաքին գործերի նախարար Աբբաս Արաղչին քննադատել է Ֆրանսիայի նախագահ Էմանուել Մակրոնին՝ ԱՄՆ-ի և Իսրայելի գործողությունները չդատապարտելու համար։

«Մակրոնը ոչ մի դատապարտող բառ չի ասել Իրանի դեմ Իսրայել-ԱՄՆ պատերազմի մասին», – ասել է նա։

Նախարարի խոսքով՝ Փարիզը նաև չի արձագանքել Թեհրանի վառելիքային ենթակառուցվածքների վրա հարվածներին, որոնք, նրա պնդմամբ, միլիոնավոր մարդկանց ենթարկել են թունավոր արտանետումների վտանգի, ինչպես նաև գազային օբյեկտների վրա հարձակումներին։

Արաղչին ընդգծել է, որ Ֆրանսիայի ներկայիս «մտահոգությունը» առաջացել է միայն Իրանի պատասխան գործողություններից հետո։

«Նրա ներկայիս «մտահոգությունը» չի առաջացել Իսրայելի կողմից մեր գազային օբյեկտների վրա հարձակումներից հետո։ Այն առաջացել է մեր պատասխանից հետո։ Ցավալի է», – հավելել է նա։