Հանձնարարել են կարգավորել էներգետիկ ճգնաժամը

Fri, 20 Mar 2026 23:45:00 +0400

Եվրամիության գագաթնաժողովը հանձնարարել է Միության գործադիր մարմնին՝ Եվրահանձնաժողցովին՝ անհրաժեշտ քայլեր ձեռնարկել՝ ապահովելու համար անխափան էներգամատակարարումը Միության տարածքում՝ Մերձավոր Արեւելյան իրավիճակի ներկայիս էսկալացիայի փուլում։ Այս մասին տեղեկանում ենք գագաթնաժողովից հետո տարածված ամփոփիչ հայտարարությունից։ Եվրոպայի խորհուրդը նաեւ հանձնարարել է, որպեսզի Եվրահանձնաժողովը պարբերաբար զեկույց ներկայացնի իրավիճակի զարգացումների, էներգակիրների գլոբալ շուկայում փոփոխությունների, լոգիստիկ շղթաների, միգրացիայի եւ ձեռնարկվելիք անհրաժեշտ քայլերի մասին։ Հիշեցնենք, որ ԵՄ մարտի 19-ին կայացած գագաթնաժողովի ընթացքում հիմնականում քննարկվել են Մերձավոր Արեւելքում տիրող իրավիճակին եւ դրանից բխող հարցերը։