Կոչ է արել Թուրքիային դուրս գալ ՆԱՏՕ-ից

Wed, 01 Apr 2026 01:00:42 +0400

Թուրքական «Վաթան»՝ «Հայրենիք» կուսակցության ղեկավար Դողու Փերինչեքը հայտարարել է, որ մտադիր է հանդես գալ նախաձեռնությամբ՝ Թուրքիայի՝ ՆԱՏՕ-ի կազմից դուրս գալու հարցով։

Նա կոչ է արել թուրքական բոլոր քաղաքական ուժերին աջակցել իր այդ կատարելիք նախաձեռնությանը։ Նա նաեւ կոչ է արել Անկարային ձեռնամուխ լինել նոր ռազմավարական դաշինքի ստեղծմանը։

Փերինչեքը ասել է, որ Անկարայի համար անհրաժեշտ է, որպեսզի դուրս գալ ՆԱՏՕ-ից, քանի որ Միացյալ Նահանգներն ու Իսրայելը ՆԱՏՕ-ի շրջանակում Անկարայի վզին են փաթաթում իրենց տեսակետը։ Փերինչեքը նաեւ ասել է, որ Եվրոպայի շահերը եւս ներկայումս ամերիկա-իսրայելական տանդեմի հետ գտնվում են հակասության մեջ։