«Զանգեզուրի միջանցքի» ավտոճանապարհը պատրաստ է գրեթե 90%-ով, երկաթգիծը՝ 70%-ով․ Ալիև

Thu, 02 Apr 2026 15:38:28 +0400

«Զանգեզուրի միջանցքի» ավտոճանապարհը պատրաստ է գրեթե 90%-ով, երկաթգիծը՝ 70%-ով։ Այս մասին ասել է Ադրբեջանի նախագահ Իլհամ Ալիևը։

«Ինչ վերաբերում է «Զանգեզուրի միջանցքի» կառուցմանը, ապա այնտեղ ավտոմոբիլային ճանապարհը պատրաստ է գրեթե 90%-ով, իսկ երկաթգիծը՝ մոտավորապես 70%-ով։ Հույս ունեմ, որ մոտ ապագայում այս նախագիծը լիարժեք կյանքի կկոչվի»,- հայտարարել է նա։

Ադրբեջանի ղեկավարը նաև ընդգծել է Թուրքիայի հետ համակարգված աշխատանքի կարևորությունը՝ նշելով, որ հարևան երկրում արդեն մեկնարկել է Կարս-Նախիջևան երկաթգծի շինարարությունը։

«Մենք գիտենք և շատ ուրախ ենք, որ Թուրքիայում նույնպես սկսվել է Կարս-Նախիջևան երկաթգծի շինարարությունը։ Այս նախագծերի զուգակցումը կբացի նոր կարևոր միջազգային միջանցք, որը կդառնա «Միջին միջանցքի» ճյուղերից մեկը։ Մեր կողմից կառուցվող երկաթուղային ենթակառուցվածքն առաջին փուլում նախատեսված է 15 միլիոն տոննա բեռների փոխադրման համար, սակայն ապագայում այդ ցուցանիշը կարող է ավելանալ»,- հավելել է Ալիևը։