Հրաբխի ժայթքումը կարող է վնասել երկրի ողջ էլեկտամատակարարման համակարգը

Sun, 05 Apr 2026 16:00:32 +0400

Եթե Ճապոնիայում գտնվող Ֆուդձի հրաբուխը ժայթքի, ապա այդ երկիրը կարող է մնալ առանց էլեկտրամատակարարման, քանի որ կվնասվեն ու շարքից դուրս կգան բոլոր առանցքային կարեւորության ենթակառուցվածքները, ներառյալ նաեւ՝ ռեզերվային գեներատորները։ Այս մասին հայտնում է NHK-ն։

Այս մասին հայտարարել են Յամանասիի շրջանի գիտահետազոտական կենտրոնի մասնագետները, ուսումնասիրելով, թե հրաբխային մոխիրը ինչ ծավալի բացասական ազդեցություն կարող է թողնել դիզելային վառելիքով աշխատող էներգագեներատորների վրա։

Հետազոտությունները ցույց են տվել, որ եթե հրաբխային մոխրի շերտի հաստությունը գերազանցում է 7 սանտիմետրը, ապա գեներատորի յուղի ճնշումն ընկնում է, իսկ 27,5 սմ․ մոխրի շերտի առկայության դեպքում՝ գեներատորն ամբողջովին դադարում է գործել։ Հաշվարկների համաձայն, եթե Ֆուդձին ժայթքի, ապա երկու շաբաթ շարունակ միայն Տոկիոյում հրաբխային մոխրի շերտը կկազմի 10 սմ։ Ճապոնիան կծածկվի ընդհանուր առմամբ՝ մինչեւ 490 միլիոն խորանարդ մետր հրաբխային մոխիրով։ Այդ դեպքում առանց էլեկտրամատակարարման կմնա Տոկիոյում եւ մերձակայքում եղած մոտ 400 հազար տնային տնտեսություն։