Բելգիայի ԱԳ նախարարը հրաշքով է փրկվել Իսրայելի հարվածներից Բեյրութում

Thu, 09 Apr 2026 11:00:50 +0400

Բելգիայի արտաքին գործերի նախարար Մաքսիմ Պրեվոն հայտարարել է, որ քիչ էր մնում՝ հայտնվեր Բեյրութի վրա Իսրայելի կողմից իրականացված հերթական հարվածի տակ, որը տեղի է ունեցել Բելգիայի դեսպանատնից ընդամենը մի քանի հարյուր մետր հեռավորության վրա, որտեղ գտնվում էին ինքը և իր պատվիրակությունը։

Նա այս մասին գրել է X-ում։

«Ես հազիվ էի հասցրել ողջունել Լիբանանի նախագահի առաջարկը՝ Իսրայելի հետ հրադադարի բանակցություններ սկսելու մասին, երբ առանց որևէ նախազգուշացման Իսրայելը ձեռնարկեց հակամարտության սկզբից ի վեր ամենահզոր հարվածներից մեկը։

Հասանելի տեղեկությունների համաձայն՝ վիրավորվել են հարյուրավոր խաղաղ բնակիչներ։

Ես և իմ պատվիրակությունը գտնվում էինք դեսպանատանը՝ հրթիռային հարվածների վայրից ընդամենը մի քանի հարյուր մետր հեռավորության վրա», – նշել է Պրեվոն։