Դիմում-միջնորդություն՝ դատավոր Դոլմազյանին

Tue, 14 Apr 2026 14:23:34 +0400

Սամվել Կարապետյանի փաստաբանական խմբի անդամ Արամ Վարդևանյանը հայտարարել է, որ իրենք գործընկերների հետ միասին դատավոր Դոլմազյանին դիմում-միջնորդություն են ներկայացրել՝ խնդրելով առաջնահերթ կարգով քննարկել Կարապետյանի խափանման միջոցի հարցը։

Նրա խոսքով՝ 2026 թվականի ապրիլի 21-ին նախատեսված է «Ուժեղ Հայաստան» կուսակցության համագումարը, որի ընթացքում քննարկվելու են ընտրություններին վերաբերող կարևոր հարցեր։ Փաստաբանը ընդգծել է, որ անհրաժեշտ է, որպեսզի այդ համագումարից առաջ Սամվել Կարապետյանը կարողանա լիարժեք մասնակցել քաղաքական գործընթացներին։