Forbes–ը ո՞ր հայտնի հայերին է ներառել աշխարհի ամենահարուստ մարդկանց վարկանիշում

Tue, 14 Apr 2026 23:15:44 +0400

Ամերիկյան Forbes պարբերականը հրապարակել է 2026 թվականի աշխարհի ամենահարուստ մարդկանց 40-րդ ամենամյա վարկանիշը, որում ընդգրկվել են նաև հայազգի միլիարդատերեր:

Ըստ այդմ՝

Ալբերտ Ավդոլյան — 557-րդ տեղ ($7.1 մլրդ)

Forbes-ը նշում է, որ Ալբերտ Ավդոլյանը հայտնի է որպես ներդրող՝ կապված այդ թվում ածխի և էներգետիկ ակտիվների հետ:

Էդուարդո Էռնեկյան — 891-րդ տեղ ($4.6 մլրդ)

Արգենտինահայ գործարար Էդուարդո Էռնեկյանը Corporación América բազմապրոֆիլ խմբի սեփականատերն է, որը կառավարում է օդանավակայանային և էներգետիկ ակտիվներ:

Սամվել Կարապետյան–1044-րդ տեղը ($4.1 մլրդ):

Forbes-ը նշում է, որ նա Tashir Holding-ի՝ առևտրային անշարժ գույքի ոլորտում կառուցապատող խմբի սեփականատերն է:

Անդրեյ Անդրեև (Օհանջանյանց) — 1611-րդ տեղ ($2.6 մլրդ)

Forbes 2026-ի ցուցակում է ընդգրկվել նաև Անդրեյ Անդրեևը, ով հայտնի է որպես ծանոթությունների ծառայությունների և հավելվածների ստեղծող, այդ թվում՝ Mamba, Badoo, Bumble, Chappy և Lumen:

Քիմ Քարդաշյան — 2177-րդ տեղ ($1.9 մլրդ):

Ամերիկահայ հայտնի մոդել, դերասանուհի Քիմ Քարդաշյանը ևս հայտնվել է Forbes 2026-ի վարկանիշում։

Նուբար Աֆեյան — 2177-րդ տեղ ($1.9 մլրդ):

Նուբար Աֆեյանը հայտնի է որպես Flagship Pioneering-ի հիմնադիր և Moderna-ի համահիմնադիր:

Արտյոմ Խաչատրյան — 2274-րդ տեղ ($1.8 մլրդ)

Fix Price ցանցի համահիմնադիր Արտյոմ Խաչատրյանը զբաղեցրել է 2274-րդ տեղը Forbes 2026-ի վարկանիշում ($1.8 մլրդ):

Ռուբեն Վարդանյան և ընտանիք — 2858-րդ տեղ ($1.3 մլրդ)

Ռուբեն Վարդանյանը և ընտանիքը զբաղեցրել են 2858-րդ տեղը Forbes 2026-ի վարկանիշում ($1.3 մլրդ):