Սոլովյովը հիմա էլ ռուս բլոգերին է պոռնիկ անվանել․ դիմել են ՌԴ ՔԿ
Wed, 22 Apr 2026 12:30:23 +0400
Ռուս հայտնի լրագրող, հասարակական գործիչ Քսենիա Սոբչակը բողոք է ներկայացրել Ռուսաստանի քննչական կոմիտե՝ հեռուստահաղորդավար Վլադիմիր Սոլովյովի դեմ՝ բլոգերների հասցեին վիրավորանքների համար։
Բողոքը ծագել է Սոլովյովի կողմից բլոգեր Վիկտորիա Բոնյայի մասին արված մեկնաբանություններից, մասնավորապես՝ նրան «օգտագործված պոռնկուհի» և «Զելենսկու գործակալ» անվանելու հետ կապված։ Իր բողոքում լրագրողը պահանջել է, որ ՔԿ-ն իրավականորեն գնահատի կոլեգայի խոսքերը և, եթե կան հիմքեր, վարչական կամ քրեական վարույթ հարուցի նրա դեմ։
«Եթե հանրային դատապարտումը Սոլովյովին լավ վարվելակերպ չի սովորեցնում, գուցե քննչական կոմիտեն ինքը նրան դա սովորեցնի», – գրել է Սոբչակը։
Իր Telegram ալիքում Բոնյան շնորհակալություն է հայտնել Սոբչակին աջակցության համար և պատմել է հեռախոսազրույցի մասին, որի ընթացքում նրանք համաձայնել են, որ «կանայք պետք է միավորվեն հիմա»։