«Փշրվեց առասպելը․ խոսում է ոչ հիստերիկ, առանց փչացած ատամների ձիգ տղամարդ»․ ռեժիսոր

Sun, 26 Apr 2026 21:39:41 +0400

Փշրվեց այն առասպելը, որ Սամվել Կարապետյանը խոսել չգիտի:

Գիտի: Խոսում է լավ, ամենակարևորը` մարդկանց համար ՀԱՍԿԱՆԱԼԻ լեզվով:

Կարեոր է նաև, որ այդպես խոսում է ոչ հիստերիկ, առանց փչացած ատամների ձիգ տղամարդ:

Շատ կուզենայի այսքանով ավարտել գրառումս, բայց դա չէր լինի անկեղծ:

Մարդկանց հետ հասկանալի լեզվով պետք է խոսեն «Ուժեղ Հայաստանի» և ուրիշ դեմքեր` խոսելիս տնտեսությունից, խոսելիս մշակույթից (այո` վատ չէր լինի խոսել նաև մշակույթից, չէ որ նրանք էլ ընտրող են):

Հարգելի երիտասարդներ, ձեր ակնհայտ կիրթ երևալու ցանկությունը գուցե և խիստ դրական է, բայց դրա արդյունքում կորում է այն պարզ իմաստը, որ ուզում եք հասցնել մարդկանց: Պետք չի, որ անկիրթ լինեք:

Պետք է, որ ասածը լինի պարզ և հասկանալի ընկալման համար:

«Սամվել Կարապետյանի հետ-ը» դարձել է կարգախոս և դրական մտել է ընտրողի գիտակցության մեջ: Ինչպես գրեցի առաջին տողերում, նրա մտքերը պարզ են ու հասկանալի: Փորձեք և դուք:

Մհեր Մկրտչյանի ֆեյսբուքյան էջից