Ձեռք է բերել 140 հողամաս եւ իրեն հռչակել «Շվեյցարիայի թագավոր»

Fri, 01 May 2026 19:30:41 +0400

Շվեյցարիայում, բարձր տեխնոլոգիաների ոլորտի մասնագետ Յոնաս Լուվիները, ով նաեւ հանդիսանում է Բուրգդորֆ քաղաքի քաղաքային վարչական խորհրդի անդամ, ողջ երկրում ձեռք է բերել 148 հողամաս, ապա իրեն հռչակել «թագավոր՛։ Այս մասին հայտնում է Daily Mail-ը։ 2019 թվականին Յոնասը, ով հանդիսանում է շվեյցարացու եւ մարոկացու զավակ, ինքն իրեն թագադրել է, կարել տվել արքայական թիկնոց եւ զինվորական համազգեստ, ստեղծել սեփական շքանշանը եւ «կայսերական բանկը», իսկ իր բիզնես ընկերությունը անվանում է «կայսրություն»։ Բուրգդորֆում ունեցած իր տունն անվանում է պալատ։ Համաձայն տեղի մամուլում տեղ գտած հրապարակումների, նրա հողամասերի ընդհանուր մակերեսը կազմում է 117 հազար քառակուսի մետր։ Իսկ ինչպես է Լաուվիները կարողացել ձեռք բերել այդ հողամասերը։

Բանն այն է, որ շվեյցարական օրենսդրության համաձայն, այն հողամասերը, որոնք չունեն սեփականատեր եւ չեն օգտագործվում, այդ երկրի քաղաքացին կարող է ձեռք բերել՝ պարզապես համայնքային տեղական իշխանություններին դիմում ներկայացնելով։ Հենց այս օրենսդրական նորմի վրա հիմնվելով էլ Յուանսը դարձել է 148 հողամասի սեփականատեր՝ սիստեմատիկ կերպով ուսումնասիրելով բոլոր շրջաններում հողային վիճակը եւ «անտեր» հողամաս գտնելու դեպքում՝ այդ համայնքին դիմում ներկայացնելով։Լաուվիների այդ պահվածքը շվեյցարական հասարակությունում մեծ արձագանքի է արժանացել։ Կա նաեւ որոշակի հանրային պահանջ, որի համաձայն, իշխանությունները պետք է տեղերում ուժեղացնեն հողամասերի ձեռք բերման հետ կապված հսկողությունը։