Ինչու Բրիջիտ Մակրոնը չի ուղեկցել ամուսնուն

Sun, 03 May 2026 22:39:45 +0400

Երևանում գտնվող Ֆրանսիայի նախագահ Էմանուել Մակրոնը շրջում է մայրաքաղաքի փողոցներով՝ չխուսափելով շփվել լրագրողների հետ։ Նրան ուղեկցող լրագրողները բազմաթիվ հարցեր են ուղղում՝ կապված այցի և օրակարգի հետ։

Լրագրողներից մեկը հետաքրքրվել է, թե ինչու այս անգամ նրա կինը՝ Բրիջիտ Մակրոնը չի ժամանել Հայաստան, հաշվի առնելով, որ նախորդ այցի ընթացքում նա ուղեկցում էր նախագահին։

Մակրոնը պատասխանել է, որ հանգամանքների բերումով Բրիջիտ Մակրոնը մնացել է Փարիզում, սակայն մտքով Հայաստանի հետ է և հայ ժողովրդին փոխանցում է իր ներողությունը։

Ֆրանսիայի նախագահը նաև նշել է, որ կնոջը կփոխանցի այստեղից հնչած ջերմ ողջույնները։