Սպանվել է ՀԱՄԱՍ-ի առաջնորդի որդին

Thu, 07 May 2026 17:30:40 +0400

ՀԱՄԱՍ-ի հետ կապված լրատվամիջոցները հաղորդում են, որ նախօրեի երեկոյան սպանվել է ՀԱՄԱՍ-ի առաջնորդ Խալիլ ալ-Խայիի որդին՝ Ազամ ալ-Խային։ Նա սպանվել է Գազայի Ադ-Դարաջ շրջանում՝ ավիահարվածի հետեւանքով։ Իսրայելական մամուլն էլ գրում է, որ եթե այդ լուրերը հաստատվեն, ուրեմն պետք է նկատի ունենալ, որ Ազամ ալ-Խային սպանվել է իսրայելական բանակի կողմից իրականացված գործողության արդյունքում։

Նշենք, որ Ազամը ՀԱՄԱՍ-ի առաջնորդի երկրորդ որդին էր։ Առաջին որդին սպանվել էր 25 թվականի սեպտեմբերին՝ Դոհայում, ՀԱՄԱՍ-ի կենտրոնակայանի վրա իրականացված ավիահարվածի հետեւանքով։