Ռուսաստանը միջուկային զորավարժություններ է սկսել․ ուշագրավ մանրամասներ

Tue, 19 May 2026 12:30:43 +0400

Ռուսաստանի զինված ուժերը մայիսի 19-21-ը ագրեսիայի սպառնալիքի պայմաններում միջուկային ուժերի նախապատրաստման և կիրառման զորավարժություններ կանցկացնեն, հայտնում է ՌԴ ՊՆ-ն։

«Զորքերի գործնական գործողությունների ընթացքում նախատեսվում են միջուկային ուժերի մի շարք միավորումներ և զորամասեր խնդիրների կատարման պատրաստության բերելու և դրանք համապարփակ ապահովելու միջոցառումներ, ինչպես նաև բալիստիկ և թևավոր հրթիռների արձակումներ Ռուսաստանի Դաշնության տարածքում գտնվող զինափորձարանների ուղղությամբ»,-նշված է ռազմական գերատեսչության տարածած հաղորդագրության մեջ:

Նշվում է, որ զորավարժություններում ներգրավված են ավելի քան 64 հազար զինվորական և ավելի քան 7,8 հազար միավոր տեխնիկա, այդ թվում` ավելի քան 140 թռչող սարք, 73 վերջրյա նավ և 13 սուզանավ, մասնավորապես՝ ռազմավարական նշանակության հրթիռային զորքերը, Հյուսիսային և Խաղաղօվկիանոսյան նավատորմերը, Հեռահար ավիացիայի հրամանատարությունը, Լենինգրադի և Կենտրոնական ռազմական շրջանների ուժերի մի մասը: