Որ դեպքում կզրկվեն ԵՄ բարեհաճությունից

Wed, 20 May 2026 18:00:11 +0400

Եվրամիությունը կարող է կրճատել աջակցությունը այն զարգացող երկրներին, որոնք աջակցում են Ռուսաստանին կամ Իրանին։ Այս մասին հայտարարել է ԵՄ դիվանագիտական գերատեսչության ղեկավար Կայա Կալասը։ «Եթե գործընկերն աջակցում է Ռուսաստանին կամ Իրանին, ապա ճկունություն պետք է ցուցաբերի, որպեսզի մենք մեր գործակցությունը նման դեպքերում կարողանանք վերակառուցել»,- ասել է Կալասը, ըստ Euractiv-ի։

Հրապարակման մեջ ասվում է, որ Կալասը չի մանրամասնել, թե որ դեպքում կարող է օգնությունը դադարեցվել տվյալ երկրին եւ որտեղ է սեփական ազգային շահերով առաջնորդվելու սահմանը։