Էլի զոհեր, վիրավոր բժիշկներ․ Իսրայելը կրկին հարվածել է Լիբանանին

Fri, 22 May 2026 16:00:47 +0400

Իսրայելի կողմից Լիբանանի հարավում գտնվող Հանավիա մունիցիպալիտետի բժշկական կենտրոնի վրա կատարված ավիահարվածի հետևանքով զոհվել է չորս մարդ։

NNA-ի տվյալներով՝ իսրայելական ռազմական ինքնաթիռները հարվածել են Իսլամական առողջապահության կոմիտեին (Հայաթ ալ-Սիհհի ալ-Իսլամի) պատկանող բժշկական կենտրոնին։

Հարձակման հետևանքով վիրավորվել են նաև երկու բուժաշխատողներ։

Իսրայելական բանակը շարունակում է հարձակվել Լիբանանի վրա՝ չնայած հրադադարի համաձայնագրին։

Լիբանանի առողջապահության նախարարության կողմից հրապարակված վերջին տվյալների համաձայն՝ մարտի 2-ից ի վեր Իսրայելի կողմից իրականացված ավիահարվածների հետևանքով զոհվել է 3089 մարդ։