Վեհափառ Հայրապետը Սարդարապատում էր

Thu, 28 May 2026 12:35:35 +0400

Հանրապետության օրվա կապակցությամբ Ամենայն Հայոց Կաթողիկոս Գարեգին Բ-ն Մայր Աթոռ Սուրբ Էջմիածնի միաբանների ուղեկցությամբ այցելել է Սարդարապատի հուշահամալիր։

Այցի ընթացքում Վեհափառ Հայրապետը հարգանքի տուրք է մատուցել հայ ժողովրդի անկախ պետականության համար իրենց կյանքը զոհաբերած հերոսների հիշատակին։

Գարեգին Բ-ն նաև աղոթել է մայիսյան հերոսամարտերում նահատակված հայորդիների հոգիների խաղաղության և հանգստության համար։