Վաղը՝ հունիսի 1-ին, մեկնարկում եմ անժամկետ, շուրջօրյա նստացույց

Sun, 31 May 2026 13:57:20 +0400

Սիրելի ընկերներ, հարազատներ, հայրենակիցներ․․․

Վաղը՝ հունիսի 1-ին, ժամը 12։00-ից մեկնարկում եմ անժամկետ, շուրջօրյա նստացույց հանուն մեր ՀԱՆՐԱՊԵՏՈՒԹՅԱՆ արժեքների․․․

-Հայաստանի Հանրապետությունում մարդը բարձրագույն արժեք է։ (Հոդված 3, կետ 1)

Խախտվել է սահմանադրական իրավունք։ Քաղաքացուն կալանավորել են ԽՈՍՔ արտահայտելու համար։

Ուստի նստացույցը կմեկնարկեմ Հայաստանի Հանրապետության Նախագահի նստավայրի մոտ (Բաղրամյան 26/1-ի դիմացի մայթը), որպես Սահմանադրության պահպանմանը հետևող թիվ մեկ պաշտոնյա:

Պահանջը կներկայացնեմ տեղում, ժամը 12։00-ին։ Այս կապակցությամբ հրավիրում եմ լրատվամիջոցների ուշադրությունը։

Իմ կյանքի ողջ գիտակից ընթացքը ապրել ու պայքարել եմ արժեքների համար։ Գիտե՛մ, որ ազատությունը մնում է ԱՆՏԵՐ, երբ նրա համար զրկանք կրողները առաջ չեն գալիս։

Այսօ՛ր, իր ազատ խոսքի իրավունքի համար բանտային պայմաններում պայքար է սկսել քաղաքացի Արթուր Օսիպյանը, ում չեմ ճանաչում, 13 օր առաջ հայտարարելով հացադուլ։

Այդ ազատ խոսքը և իրենն է, և՛ իմը, և՛ քոնը․․․

Իմ պարտքն եմ համարում գործել գիտակցությանս սահմաններում ճշմարտացի։ Գտնում եմ, որ այս պարագայում լռելն ու անգործության մատնվելը անկարելի է․․․

Կոչ չե՛մ անում ոչ ոքի միանալ իմ նախաձեռնած նստացույցին, բայց երջանիկ կլինեմ տեսնել այնտեղ յուրաքանչյուրիդ։ Յուրաքանչյուրը թող գործի իր գիտակցության ողջ զորությամբ ու խղճի ողջ նրբությամբ։

Նստացույցին կարող է միանալ յուրաքանչյուր քաղաքացի, նստացույցին չի կարող միանալ ոչ մի քաղաքական ուժ՝ սա քաղաքացիական պայքար է․․

Ներողություն եմ հայցում ընտանիքիցս, գաղափարակիցներիցս, աշակերտներիցս և գործընկերներիցս՝ այս ընթացքում պլանավորած աշխատանքները չեղարկելու համար։ Բայց այդ ամենը գեղեցիկ է և արժեք ունի ազատ միջավայրում։ Չեմ ցանկանում, որ մենք ապրենք ԱՆԱԶԱՏ երկրում․․․

Գեղամ Օհանյան