Մենակ սահմանագծման համար չեղած մեկին գեներալի կոչում տվեցին

Tue, 02 Jun 2026 14:56:07 +0400

«Ինչպես կարելի է 20 տարի, 25 տարի մատական հերթապահություն իրականացնող զինվորի, պայմանագրային զինծառայողի վաստակը ջուրը նետել ու ասել, թե 30 տարի ոչինչ չի արվել։ Հենց Տավուշի բնակիչները կարող են փաստել, թե ինչ աշխատանքներ են տարվել, իսկ սրանք բանակը չեն սիրում»,- Տավուշում բնակիչների հետ հանդիպման ժամանակ հայտարարել է «Հայաստան» դաշինքի ներկայացուցիչ Գեղամ Մանուկյանը։

«Սրանք մենակ սահմանագծման համար ինչ-որ մեկին տվեցին գեներալ։ Այո, չեղած մեկին միայն սահմանագծման համար գեներալ են տվել։ Այդպես են արել, որովհետև գեներալի կոչումը սրանց համար պատիվ չէ, զինվորական պատիվ չէ, մարտական ծառայության պատիվ չէ։ Ստորաքարշությունն է»,- ասել է նա։