Ռուսաստանը ռեկորդային ծավալով բենզին է ներմուծել

Sun, 05 Jul 2026 20:30:41 +0400

Ռուսաստանը հունիսին Բելառուսից բենզինի ներկրումը հասցրել է պատմական առավելագույնի։ Այս մասին գրում է «Ведомости»-ն։

Հայտնի է դարձել, որ հունիսի 1-ից 25-ն ընկած ժամանակահատվածում ՌԴ բելառուսական բենզինի ներկրումը կազմել է 141 հազար տոննա։ Ի դեպ, 2025 թվականի հունիսին ներկրումը կազմել էր ընդամենը 1000 տոննա։

Նաև, դեպի ՌԴ արտահանման աճին զուգընթաց, նվազել են Բելառուսից այլ երկրներ բենզինի մատակարարումները։

Ավելի վաղ Ռուսաստանի նախագահ Վլադիմիր Պուտինը ստորագրել էր օրենք, որը պետք է օգնի ռուսական շուկան ապահովել բենզինով և դիզելային վառելիքով։