Հայտարարվել է եղանակային վտանգավոր բարձրագույն աստիճան

Fri, 10 Jul 2026 20:30:36 +0400

Ֆրանսիայի Իլ-դե-Ֆրանս շրջանում, ներառյալ նաեւ մայրաքաղաք Փարիզում հայտարարվել է եղանակային վտանգավորության ամենաբարձր՝ կարմիր աստիճան՝ անոմալ շոգ եղանակի պատճառով։ Այս մասին հայտնում է Le Monde պարբերականը։

Համարյա ողջ Ֆրանսիայի տարածքը ներկայումս գտնվում է եղանակային սպառնալիքի նարնջագույն մակարդակում։ Սպասվում են առավելագույն ջերմաստիճաններ։

Նշենք, որ սա առաջին դեպքն է, երբ Փարիզում մեկ տարվա մեջ արդեն երկրորդ անգամ եղանակային վտանգավորության կարմիր մակարդակ է սահմանվում՝ երեք շաբաթվա տարբերությամբ։ Կանխատեսումների համաձայն՝ Փարիզում սնդիկի սյունը կարող է գերազանցել +35 աստիճանն ըստ Ցելսիուսի սանդղակի։ Որոշ շրջաններում այն կարող է հասնել +41 աստիճանի։