Ինչ են տարել բնակարանից

Wed, 15 Jul 2026 15:15:23 +0400

Գյումրու ավագանու «Մայր Հայաստան» խմբակցության ղեկավար, «Հայաստան» դաշինքի պատգամավորի թեկնածու Կարեն Սիմոնյանը ճեպազրույցի ընթացքում անդրադարձել է մի քանի շաբաթ առաջ իր բնակարանում իրականացված խուզարկությանը՝ նշելով, որ իրավապահները որևէ նշանակալի բան չեն հայտնաբերել։

Նրա խոսքով՝ խուզարկությունից հետո առգրավվել են երեք անչափահաս երեխաների բջջային հեռախոսները, որոնցում, ինչպես ինքն է պնդում, եղել են միայն խաղեր և դպրոցական խմբային զրույցներ։ Սիմոնյանի խոսքով՝ իրավապահները վերցրել են նաև նոթատետր, որի ընդամենը երեք էջն էր լրացված, և այն, ըստ նրա, պարունակում էր կնոջ՝ հատուկ մանկավարժությանը վերաբերող աշխատանքային գրառումները։

Սիմոնյանը նաև հայտնել է, որ մինչ այժմ որևէ տեղեկություն չունի հարուցված գործի ընթացքի վերաբերյալ և գործընթացում որևէ դատավարական կարգավիճակ չունի։ Նրա խոսքով՝ ինքը ոչ մեղադրյալ է, ոչ կասկածյալ և ոչ էլ վկա։ Նա հավելել է, որ խուզարկությունն իրականացվել է՝ հիմք ընդունելով փաստական տվյալների առկայությունը, ինչպես նշված էր ներկայացված փաստաթղթում։