Դատարանը երկամսյա տնային կալանք կիրառեց Արա Նախշքարյանի նկատմամբ

Wed, 29 Jul 2026 23:29:35 +0400

Րոպեներ առաջ ​ՀՀ հակակոռուպցիոն դատարանը երկամսյա տնային կալանք սահմանելց «Համազգային հայ կրթական և մշակութային հիմնադրամի» Գյումրու գրասենյակի տնօրեն, ՀՅԴ անդամ և «Հայաստան» դաշինքի պատգամավորի նախկին թեկնածու Արա Նախշքարյանի նկատմամբ։ ​

Դատարանն այս որոշումը կայացրեց մի քանի ժամ տևած դատական նիստից հետո՝ մասնակիորեն բավարարելով իրավապահ մարմինների ներկայացրած միջնորդությունը։ ​

​Արա Նախշքարյանն անցնում է ընտրակաշառք տալու ենթադրյալ դեպքի առթիվ հարուցված քրեական գործով։ Ըստ իրավապահների՝ քննվող դեպքը վերաբերում են 2026 թվականի խորհրդարանական ընտրությունների նախընտրական փուլում «Հայաստան» դաշինքի օգտին ձայներ հավաքելու նպատակով ընտրողներին նյութապես շահագրգռելուն կամ ընտրակաշառքի միջնորդությանը։

​Պաշտպանական կողմն ու Նախշքարյանի աջակիցները, սակայն, չեն ընդունում առաջադրված մեղադրանքը՝ գործընթացը որակելով անհիմն և քաղաքականապես մոտիվացված։ ​Արցախյան պատերազմների մասնակից, հանրային ու մշակութային գործիչ Արա Նախշքարյանի խափանման միջոցի վերաբերյալ առաջիկայում պաշտպանական կողմը հանդես կգա լրացուցիչ հայտարարություններով։