Իրանը չի ներում Ուկրաինային և զգուշացնում է

Mon, 03 Aug 2026 16:00:42 +0400

Թեհրանն ունի ապացույցներ, որ Ուկրաինայի զինված ուժերի կողմից Կասպից ծովում իրանական նավի վրա հարվածը «դիտավորյալ էր», հայտարարել է Իրանի արտաքին գործերի նախարարության խոսնակ Էսմայիլ Բաղային։

«Ըստ ուկրաինացի պաշտոնյաների՝ այս միջադեպը դիտավորյալ չէր, սակայն առկա ապացույցները ցույց են տալիս, որ հարձակումը դիտավորյալ էր», – պնդել է Բաղային։

Նա հայտարարել է, որ Թեհրանը կձեռնարկի բոլոր «անհրաժեշտ միջոցները»՝ Ուկրաինային «պատասխանատու դարձնելու իր գործողությունների համար» և նմանատիպ միջադեպերի կրկնությունը կանխելու համար։

Հուլիսի 25-ին Իրանի արտաքին գործերի նախարարությունը հայտնել է, որ Ուկրաինան հարվածել է իր նավին Կասպից ծովում՝ Ռուսաստանի տարածքային ջրերում, որի հետևանքով զոհվել է անձնակազմի անդամ։

Ավելի ուշ Իրանի արտաքին գործերի նախարար Աբբաս Արաղչին իր ուկրաինացի գործընկեր Անդրեյ Սիբիգային ասել է, որ Կիևը պետք է փոխհատուցի իրանական նավին պատճառված վնասը։