Պուտինի կոշտ նախազգուշացումը
Wed, 12 Aug 2026 14:30:32 +0400
Ռուսաստանի նախագահ Վլադիմիր Պուտինը հայտարարել է, որ Մոսկվան հայելային կարձագանքի, եթե արևմտյան երկրները բռնագրավեն ռուսական առևտրային նավերը։
Հայտարարությունն արվել է Ռուսաստանի նախագահի՝ Յուժնո-Սախալինսկ կատարած այցի ժամանակ, որտեղ նա «Վարյագ» կառավարվող հրթիռային հածանավից դիտել է Խաղաղօվկիանոսյան նավատորմի զորավարժությունները։
Պուտինը նշել է, որ Ռուսաստանը ուշադիր հետևում է արևմտյան պետությունների գործողություններին և պատրաստ է արձագանքել նավագնացությանը սպառնացող հնարավոր սպառնալիքներին։
Խոսելով Ասիա-խաղաղօվկիանոսյան տարածաշրջանում ստեղծված իրավիճակի մասին՝ նա ընգծել է, որ ՆԱՏՕ-ն աստիճանաբար «ներթափանցում է» տարածաշրջան։
Ռուսաստանի նախագահը նաև նշել է, որ ՌԴ-ն չի սպառնում Ճապոնիային և չունի տարածքային կամ այլ պահանջներ Տոկիոյի նկատմամբ, սակայն Մոսկվան կապահովի իր շահերի անվտանգությունը։