Դիլիջանի անտառներում մեծ թվով ծառեր են չորացել

Thu, 13 Aug 2026 21:45:35 +0400

Դիլիջան համայնքի Աղավնավանք գյուղից հայտնել են, որ Աղավնավանքի անտառում մեծ թվով ծառեր են չորացել։ Գյուղացիները չգիտեն, թե որն է եղևնի, սոճի տեսակի ծառերի զանգվածային չորացման պատճառը։ Աղավնավանքի վարչական ղեկավար Ալեքսանդր Հարությունյանը մեզ հայտնեց, որ ծառերը տևական ժամանակ է չորանում են, դա տեղի է ունենում գյուղին պատկանող տարածքի անտառներում, բայց ինքն էլ չգիտի ծառերի չորացման պատճառը։ Իսկ Դիլիջան ազգային պարկի տնօրեն Ռոբերտ Ալիխանյանը հերքեց փաստն, ասելով, որ ազգային պարկի տարածքում ծառերի ոչ բնական, զանգվածային չորանալու փաստ չկա: