Թրամփը կոչ է արել չինական չիփեր չգնել

Mon, 17 Aug 2026 19:00:30 +0400

ԱՄՆ նախագահ Դոնալդ Թրամփի վարչակազմը կոչ է արել Apple ընկերությանը ձեռք չբերել չինական հիշողության չիփեր։ Այս մասին հայտնում է The Wall Street Journal պարբերականը։ Համաձայն հրապարակման, հիշողության չիփերի հարցում ունեցած խնդիրների պատճառով՝ ամերիկյան ընկերությունը դիտարկում է նաեւ չինական չիփերի ձեռքբերման տարբերակը։ ԱՄՆ Առեւտրի նախարար Հովարդ Լաթնիկը հայտարարել է, որ Թրամփի վարչակազմը այդ տարբերակին չի աջակցում։

Նա նշել է, որ հիշողության չիփերի հարցում կան այլ լուծումներ, քան չինական չիփերի գնումը։ The Wall Street Journal-ն արդեն գրել էր հուլիսին, որ ամերիկյան Apple եւ Micron Technology ընկերությունների միջեւ սկսված առճակատումը նախագահ Թրամփի վարչակազմին բարդ իրավիճակի մեջ է դրել։ Apple-ը ցանկանում է հասնել նրան, որ կարողանա կիրառել չինական միկրոսխեմաները իր արտադրանքում, մինչդեռ Micron-ը զգուշացնում է, որ դա կարող է վնասել ամերիկյան կիսահաղորդիչների արտադրության ոլորտին։