Դատապարտված 266 անձ ներկայացվել է բաժին

Wed, 19 Aug 2026 22:15:48 +0400

ՆԳՆ ոստիկանության ծառայողները հանրապետության տարբեր բնակավայրերում անցկացված հատուկ միջոցառումների ընթացքում տարածքային բաժիններ են ներկայացրել նախկինում դատապարտված և հանցավոր հակումներ ունեցող 266 անձի։ Այս մասին հայտնում են ՆԳՆ Ոստիկանությունից:

Հայտնաբերվել են նաև թմրամիջոցներ, կանեփի թփեր, դանակներ, զենք և զինամթերք։ ՆԳՆ ոստիկանության տարածած հաղորդագրությունը՝ ստորև․ Հանրային անվտանգությանը սպառնացող ցանկացած դրսևորում շարունակում է արժանանալ ՆԳՆ ոստիկանության հասցեական արձագանքին։ Այդ նպատակով ՆԳՆ ոստիկանության ծառայողները հանրապետության ողջ տարածքում շարունակում են հատուկ միջոցառումները։

Ոստիկանները շրջայցեր են իրականացրել տարբեր բնակավայրերի մեկ տասնյակից ավելի հավաքատեղիներում։ Ստուգողական միջոցառումների արդյունքում հայտնաբերվել և Համայնքային ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 266 անձ։

Հատուկ միջոցառումների ընթացքում հայտնաբերվել են նաև թմրամիջոցներ, կանեփի թփեր, դանակներ, զենք-զինամթերք։ ՆԳՆ ոստիկանության օպերատիվ-կանխարգելիչ միջոցառումները պարբերական են։