«Լամբադա» կամրջի վերին հատվածը փակ կլինի

Thu, 27 Aug 2026 18:08:10 +0400

Հիմնանորոգման աշխատանքներով պայմանավորված՝ սեպտեմբերի 10-ից մինչև նոյեմբերի 1-ը երթևեկության համար փակ կլինի Կոմիտասի պողոտա–Դավիթ Անհաղթի փողոց ուղեանցը՝ «Լամբադա» տրանսպորտային հանգույցի վերին հատվածը։

Այս մասին հայտնում են Երևանի քաղաքապետարանից։

Քաղաքապետարանը վարորդներին հորդորում է նշված ժամանակահատվածում երթևեկությունը կազմակերպել այլընտրանքային ճանապարհներով և հետևել ճանապարհային երթևեկության կազմակերպման ժամանակավոր փոփոխություններին։