Զոհերի թիվը հասել է 475–ի

Fri, 28 Aug 2026 13:30:58 +0400

Նեպալում հեղեղումների հետևանքով մահացածների թիվը հասել է 475-ի։ Այս մասին հայտնում է «Kathmandu Post» թերթը՝ հղում անելով ոստիկանությանը։ Ավելի վաղ հաղորդվում էր 469 զոհի մասին։

Անհետ կորած է համարվում հազար մարդ, որոնց թվում՝ բազմաթիվ օտարերկրացի զբոսաշրջիկներ։

Փրկարարական գործողությունները դադարեցվել են, քանի որ Նեպալի և Չինաստանի սահմանին սողանքից հետո առաջացած լիճը սկսել է դուրս գալ ափերից։ Մարդիկ փախչում են դեպի բարձրադիր վայրեր։