imID համակարգում խափանում է արձանագրվել

Thu, 03 Sep 2026 17:00:21 +0400

Պետական եկամուտների կոմիտեն տեղեկացնում է, որ «Իմ ԱյԴի» ՓԲԸ-ի կողմից ստացված տեղեկատվության համաձայն՝ էլեկտրոնային ստորագրության imID համակարգում 2026 թվականի սեպտեմբերի 3-ին՝ ժամը 14։45-ից, առկա են խնդիրներ։

«Միաժամանակ, հայտնում ենք, որ կատարվում են աշխատանքներ՝ հնարավորինս արագ համակարգի բնականոն ռեժիմով աշխատանքի վերականգնման համար։

Հայցում ենք հարկ վճարողների ներողամտությունը պատճառված անհարմարության համար»,- ասվում է հաղորդագրությունում։