Հայաստանի պատմական ժառանգությունը համալրվել է․ 13 օբյեկտ նոր կարգավիճակ է ստացել

Thu, 10 Sep 2026 12:37:13 +0400

Հայաստանի տարբեր մարզերում և Երևանում գտնվող 13 պատմամշակութային օբյեկտ պաշտոնապես ներառվել է անշարժ պատմության և մշակույթի հուշարձանների շարքում։

Նոր կարգավիճակ ստացած կառույցների և հնագիտական վայրերի թվում են հանրապետական նշանակության մի շարք արժեքավոր օբյեկտներ։ Դրանցից են Արագածոտնի մարզի Աղձք գյուղում գտնվող 5–7-րդ դարերի կոթողը, Շիրակի մարզի Զույգաղբյուր գյուղի՝ մ.թ.ա. 2–1-ին հազարամյակներին վերագրվող դամբարանադաշտը։

Հուշարձանների ցանկում ընդգրկվել են նաև Գեղարքունիքի մարզի Ջաղացաձոր գյուղի 9–18-րդ դարերի գերեզմանոցը և նույն տարածքում պահպանված 9–14-րդ դարերի չորս խաչքարերը։

Նոր կարգավիճակը հնարավորություն կտա այս պատմամշակութային արժեքները ներառել պետական պահպանության ենթակա հուշարձանների համակարգում՝ ընդգծելով դրանց պատմական և մշակութային նշանակությունը։