Մահաբեր և պատերազմաբեր «մեծ զորավարը»

Sun, 13 Sep 2026 19:45:28 +0400

ԱԺ «Ուժեղ Հայաստան» խմբակցության պատգամավոր Էդգար Ղազարյանի ֆեյսբուքյան գրառումը.

«Մահաբեր և պատերազմաբեր «մեծ զորավարը»

2021 թվականի նոյեմբերի 15-ին «Քաղաքացիական պայմանագիր» կուսակցության վարչության անդամ, զինվորական ծառայության ընթացքում կատարած հանցանքի համար նախկինում դատված Սուրեն Պապիկյանը նշանակվել է ՀՀ պաշտպանության նախարար։ Նրա նշանակումից հետո Հայաստանի պաշտպանական համակարգում և Զինված ՈՒժերում տեղի է ունեցել

• 2021 թվականի նոյեմբերի 16-ին Ադրբեջանը հարձակվել է Իշխանասարի վրա։ Հայկական կողմն ունեցել է զգալի տարածքային կորուստներ

• 2022 թվականի սեպտեմբերի 13-ին Ադրբեջանը հարձակվել է Ջերմուկի, Վարդենիսի և Սիսիանի ուղղությամբ։ ՀՀ Զինված ուժերն ունեցել է 224 զոհ, զգալի տարածքային և նյութական կորուստներ։ Ադրբեջանը զավթել է ռազմավարական նշանակության բարձունքներ, որոնք մինչ օրս շարունակում են մնալ թշնամու վերահսկողության տակ։

• 2023 թվականի հունվարի 19-ին ՀՀ Գեղարքունի մարզի Ազատ գյուղի կացարանում տեղի ունեցած հրդեհի պատճառով զոհվել է 15 զինծառայող։ Դա ՀՀ Զինված ՈՒժերի պատմության մեջ խաղաղ պայմաններում տեղի ունեցած ամենամեծ ողբերգությունն էր։

• 2023 թվականի ապրիլի 23-ին Ադրբեջանի սահմանապահ զորքերը Հակարի կամրջի մոտ տեղադրել են հսկիչ-անցագրային հենակետ, պաշտոնապես փակել են Հայաստանն Արցախին կապող միակ ճանապարհը՝ պաշտոնապես Արցախը թողնելով շրջափակման մեջ։

• 2023 թվականի սեպտեմբերի 19-ին Ադրբեջանի զինված ուժերը հարձակվել են մի քանի ամիս շրջափակման մեջ գտնվող Արցախի վրա, ԱՀ պաշտպանության բանակը, չստանալով որևէ աջակցություն ՀՀ Զինված ՈՒժերից, կրել է հարյուրավոր մարդկային կորուստներ, հանձնվել է թշնամուն, որից հետո Արցախն ամբողջությամբ հայաթափվել է։ ԱՀ Պաշտպանության Բանակը թշնամուն է հանձնել մոտ 1,5 մլրդ դոլարի արժողությամբ շուրջ 9 մլն միավոր սպառազինություններ և ռազմամթերք։
• 2024 թվականի մայիսին ՀՀ Զինված ՈՒժերը իրականացրել են նահանջ՝ թշնամական տիրապետությանը թողնելով

ՀՀ Տավուշի մարզից հայապատկան գյուղեր (Բաղանիս Այրում, Աշաղ, Ներքին Ոսկեպար, Կիրանցի ձոր) և դրանց հարակից տարածքներ։ Թշնամուն հանձնվող տարածքների ականազերծման ժամանակ վիրավորում են ստացել երկու հայ սակրավորներ։
• Խաղաղ պայմաններում զոհվել են բազմաթիվ զինվորականներ, որոնց մահվան հանգամանքների վերաբերյալ հանրությանը ողջամիտ պարզաբանումներ չեն ներկայացվել։
Հ․Գ․ Այդ ժամանակահատվածում ՀՀ վարչապետն է եղել Նիկոլ Փաշինյանը։ Նա, Սուրեն Պապիկյանը և նրա տեղակալները շարունակում են պաշտոնավարել»: