Ռուսաստանը Ուկրաինայում սկսել է հարվածել ավելի շատ թիրախների. Պեսկով

Sun, 13 Sep 2026 23:15:47 +0400

Ռուսաստանը Ուկրաինայում սկզբում հարվածներ չէր հասցնում բոլոր տեսակի թիրախներին, սակայն հետագայում փոխել է իր մոտեցումը։ Այս մասին հայտարարել է Կրեմլի խոսնակ Դմիտրի Պեսկովը։

Նրա խոսքով՝ դա տեղի է ունեցել Ուկրաինայի գործողություններից հետո։

«Ռուսաստանի Դաշնությունը ամեն ինչի չէր հարվածում։ Դա սկսեցինք անել այն բանից հետո, երբ հենց ուկրաինացիները բացեցին «Պանդորայի արկղը»»,- ասել է Պեսկովը։

«Պանդորայի արկղը բացել» արտահայտությամբ Պեսկովը նկատի ունի, որ Ուկրաինայի գործողությունները հանգեցրել են հակամարտության հետագա սրմանը և Ռուսաստանի կողմից հարվածների շրջանակի ընդլայնմանը։

Պեսկովն այս հայտարարության մեջ չի հստակեցրել, թե Ուկրաինայի կոնկրետ որ գործողություններն է նկատի ունեցել։